دا سمینار د اقتصاد پوهنځي د یو محصل لخوا وړاندې شو، چې په کې د پراګراف او اغېزمنې لیکنې د اصولو او مسلکي ریزمې د چمتو کولو په اساسي ټکو بحث وشو. دغه راز هغه کسانو چې په دې سمینار کې ګډون کړی و د ریزومې د لیکولو له تخنیکي مهارتونو، د تحصیلي او کاري سوابقو د وړاندې کولو له لارو چارو سره اشنا شول. محصلینو د یادې برنامې په جوړېدو خوښي څرګنده کړې او ویلي یې دي، چې د دا ډول سمینارونو جوړول ورته ډېر مهم دي.
