Since 1999, when the newly minted Stadum team embraced its mandate to breathe new life into the downtrodden neighbourhood, East Village’s transformation has been nothing short of remarkable.
د کیفیت لوړولو آمریت په ۱۳۹۲ کال کې د رڼا پوهنتون د علمي معاونیت تر نظر لاندې رامنځته شو، دغه آمریت د کیفیت لوړولو اړوند ټول فعالیتونه لکه: د پلانونو پر جوړولو او پلي کولو څارنه، د تدریس ارزونه، د پوهنتون علمي او اداري چارې، د محصلینو چارې او د خدمتونو او اسانتیاوو څارنه پر غاړه لري.
د کیفیت لوړولو آمریت هڅه کوي، چې د پوهنتون ټولې چارې د لوړو زده کړو وزارت د تضمین کیفیتاو اعتبار ورکولو ریاست له معیارونو او د ټولنې له اړتیاوو سره سمې برابرې کړي، ترڅو مثبتې پایلې لاسته راشي.
د کیفیت لوړولو آمریت د تضمین کیفیت او ملي اعتبار ورکولو د معیارونو د بشپړ پلي کولو له لارې (لکه: د څېړنې کیفیت، ښوونه، د استادانو او کارکوونکو د ظرفیت لوړونه، تړونونه او خدمتونه) هڅه کوي چې رڼا پوهنتون په هېواد کې د یوې معتبرې او څېړنیزې اکاډمیکې ادارې په توګه وپېژندل شي.
د کیفیت لوړولو آمریت ژمن دی، چې د تضمین کیفیت او اعتبار ورکولو له چوکاټ سره سم په علمي-څېړنیزو، تحصیلي او خدماتي برخو کې او همدارنګه د کارکوونکو او استادانو د ظرفیت لوړولو لپاره له ټولو شته فرصتونو او اسانتیاوو څخه په غوره توګه ګټه پورته کړي.
