په دې سمینار کې د سالمې تغذیې په بنسټيزو اصولو، د ګټورو خوراکي توکو په ډولونو او په روغتیا د ناسمو غذايي عادتونو پر اغېزو بحث او خبرې وشوې.
همدارنګه د ورځني غذایي مهال وېش د تنظیم، د مېوو او سبو د زیاتو کارولو، د ډېرو غوړ او خواږه لرونکو خوراکي توکو د کمو مصرفولو او د کافي اوبو د څښلو په اړه سپارښتنې وشوې.
د دې سمینار موخه دا وه چې محصلین باید د سالم ژوند غوره کولو ته وهڅول شي، د درسي فعالیتونو لپاره یې د تمرکز کچه لوړه شي او د ناسمو غذایي عادتونو له امله د رامنځته کېدونکو ناروغیو مخنیوی وشي.